uske bin tirgi si rahti hai

us ke bin tīrgī sī rahtī hai

sham'-e-mahfil bujhī sī rahtī hai

ik tavajjoh se us kī is dil meñ

muddatoñ raushnī sī rahtī hai

jab vo kartā hai guftugū ham se

nabz-e-daurāñ thamī sī rahtī hai

us hasīñ mushk-bār lahje meñ

ek ḳhush-bū ghulī sī rahtī hai

raat ke tīsre pahar maiñ bhī

ek khiḌkī khulī sī rahtī hai

us kī nazroñ kī mai kā kyā kahnā

be-piye be-ḳhudī sī rahtī hai

'ishq ke saare khel ḳhatm hue

ab tabī'at thakī sī rahtī hai

ab kahāñ jā ke dil ko bahlā.eñ

dil pe pazhmurdagī sī rahtī hai

bādshāh-e-suḳhan ke she'roñ meñ

fikr-o-fan kī kamī sī rahtī hai

aap ke she'r meñ abū-'shabbar'

ik ta'allī chhupī sī rahtī hai

us ke bin tirgi si rahti hai

sham'-e-mahfil bujhi si rahti hai

ek tawajjoh se us ki is dil mein

muddaton raushni si rahti hai

jab wo karta hai guftugu hum se

nabz-e-dauran thami si rahti hai

us hasin mushk-bar lahje mein

ek KHush-bu ghuli si rahti hai

raat ke tisre pahar main bhi

ek khiDki khuli si rahti hai

us ki nazron ki mai ka kya kahna

be-piye be-KHudi si rahti hai

'ishq ke sare khel KHatm hue

ab tabi'at thaki si rahti hai

ab kahan ja ke dil ko bahlaen

dil pe pazhmurdagi si rahti hai

baadshah-e-suKHan ke she'ron mein

fikr-o-fan ki kami si rahti hai

aap ke she'r mein abu-'shabbar'

ek ta'alli chhupi si rahti hai