charagh lakh jalen tirgi nahin jati

charāġh laakh jaleñ tīrgī nahīñ jaatī

shab-e-firāq kī vahshat kabhī nahīñ jaatī

laboñ ke jaam pilā.e the us parī-vash ne

zamāne biit ga.e be-ḳhudī nahīñ jaatī

guzar ga.e haiñ ka.ī saal us se bichhḌe hue

hamārī aañkh se lekin namī nahīñ jaatī

ḳhamīr merā ye kis dasht se uThāyā gayā

laboñ se kyuuñ ye mire tishnagī nahīñ jaatī

guzar to jaatā huuñ us kī galī se thaam ke dil

ḳhayāl-o-ḳhvāb se us kī galī nahīñ jaatī

charāġh-e-juhd-e-musalsal jalā ke dekh liyā

magar nasīb kī tīra-shabī nahīñ jaatī

paTak ke dekhā hai dīvār par bhī sar ko 'fahīm'

magar dimāġh se shorīdgī nahīñ jaatī

charagh lakh jalen tirgi nahin jati

shab-e-firaq ki wahshat kabhi nahin jati

labon ke jam pilae the us pari-wash ne

zamane bit gae be-KHudi nahin jati

guzar gae hain kai sal us se bichhDe hue

hamari aankh se lekin nami nahin jati

KHamir mera ye kis dasht se uThaya gaya

labon se kyun ye mere tishnagi nahin jati

guzar to jata hun us ki gali se tham ke dil

KHayal-o-KHwab se us ki gali nahin jati

charagh-e-juhd-e-musalsal jala ke dekh liya

magar nasib ki tira-shabi nahin jati

paTak ke dekha hai diwar par bhi sar ko 'fahim'

magar dimagh se shoridgi nahin jati