ba-qadr-e-tang-nigahi harif hi nikla

ba-qadr-e-tang-nigāhī harīf hī niklā

har ek shaḳhs yahāñ merā mudda'ī niklā

har ik taraf se sitāroñ ne us ko gher liyā

añdherā le ke jo sūraj kī raushnī niklā

barahna phirtā thā jo koh-o-dasht-o-sahrā meñ

ye aadmī to mire 'ahd kā valī niklā

ḳhudī kā saarā bharam be-ḳhudī ne khol diyā

anā kā kāsa-e-pindār bhī tihī niklā

vo terā ‘hindī’-e-ḳhāna-ḳharāb-o-āvāra

rahīn-e-sarḳhushī-o-mast-e-āgahī niklā

ba-qadr-e-tang-nigahi harif hi nikla

har ek shaKHs yahan mera mudda'i nikla

har ek taraf se sitaron ne us ko gher liya

andhera le ke jo suraj ki raushni nikla

barahna phirta tha jo koh-o-dasht-o-sahra mein

ye aadmi to mere 'ahd ka wali nikla

KHudi ka sara bharam be-KHudi ne khol diya

ana ka kasa-e-pindar bhi tihi nikla

wo tera ‘hindi’-e-KHana-KHarab-o-awara

rahin-e-sarKHushi-o-mast-e-agahi nikla