bekar gai aaD tere parda-e-dar ki

bekār ga.ī aaḌ tire parda-e-dar kī

allāh-re vus.at mire āġhosh-e-nazar kī

pī shauq se vaa.iz are kyā baat hai Dar kī

dozaḳh tire qabze meñ hai jannat tire ghar kī

īmān kī daulat se tire husn kā saudā

īmān kī daulat hai tirī ek nazar kī

aa jaa.e tasavvur meñ koī hashr-ba-dāmāñ

phir merī shab-e-ġham ko zarūrat hai sahar kī

vo sāmne haiñ phir bhī unheñ DhūñDh rahā huuñ

āḳhir koī had bhī hai hijābāt-e-nazar kī

tanhā.ī-e-furqat meñ jo aalam hai idhar kā

hañgāma-e-mahfil meñ vo hālat hai udhar kī

kuchh sahl na paa.e haiñ mohabbat ke marātib

chhānī hai bahut ḳhaak tirī rāh-guzar kī

bekar gai aaD tere parda-e-dar ki

allah-re wusat mere aaghosh-e-nazar ki

pi shauq se waiz are kya baat hai Dar ki

dozaKH tere qabze mein hai jannat tere ghar ki

iman ki daulat se tere husn ka sauda

iman ki daulat hai teri ek nazar ki

aa jae tasawwur mein koi hashr-ba-daman

phir meri shab-e-gham ko zarurat hai sahar ki

wo samne hain phir bhi unhen DhunDh raha hun

aaKHir koi had bhi hai hijabaat-e-nazar ki

tanhai-e-furqat mein jo aalam hai idhar ka

hangama-e-mahfil mein wo haalat hai udhar ki

kuchh sahl na pae hain mohabbat ke maraatib

chhani hai bahut KHak teri rah-guzar ki