ye aur baat chaak par ghuma ke rakh diya gaya

ye aur baat chaak par ghumā ke rakh diyā gayā

junūn meñ junūn hī banā ke rakh diyā gayā

vo be-hijāb aa ga.e mirī nazar ke sāmne

ye dil havā ke dosh par uThā ke rakh diyā gayā

mohabbatoñ ke nuur se vafā se aur ḳhulūs se

falak kī tarh ghar ko bhī sajā ke rakh diyā gayā

'ajab tarah kī be-kalī ubhar rahī hai baaġh se

ye kaun thā jo rū-ba-rū havā ke rakh diyā gayā

na.e charāġh ho miyāñ sañbhal ke raushnī karo

maiñ āftāb thā mujhe bujhā ke rakh diyā gayā

zarā sā āshnā hue the zindagī ke khel se

hameñ bisāt se alag uThā ke rakh diyā gayā

ḳhafā ḳhafā hai vo bahut use manāne ke liye

badan kī saltanat ko bhī miTā ke rakh diyā gayā

kisī bhī taur maiñ use na chup karā sakā to phir

laboñ pe us ke rakh ke lab dabā ke rakh diyā gayā

ye aur baat chaak par ghuma ke rakh diya gaya

junun mein junun hi bana ke rakh diya gaya

wo be-hijab aa gae meri nazar ke samne

ye dil hawa ke dosh par uTha ke rakh diya gaya

mohabbaton ke nur se wafa se aur KHulus se

falak ki tarh ghar ko bhi saja ke rakh diya gaya

'ajab tarah ki be-kali ubhar rahi hai bagh se

ye kaun tha jo ru-ba-ru hawa ke rakh diya gaya

nae charagh ho miyan sanbhal ke raushni karo

main aaftab tha mujhe bujha ke rakh diya gaya

zara sa aashna hue the zindagi ke khel se

hamein bisat se alag uTha ke rakh diya gaya

KHafa KHafa hai wo bahut use manane ke liye

badan ki saltanat ko bhi miTa ke rakh diya gaya

kisi bhi taur main use na chup kara saka to phir

labon pe us ke rakh ke lab daba ke rakh diya gaya