kya qahr hai wo meri KHushi dekhte nahin
kyā qahr hai vo merī ḳhushī dekhte nahīñ
merī taraf vo bhuul ke bhī dekhte nahīñ
'āshiq ke hāl-e-zār kī allah re bebasī
sab log dekhte haiñ vahī dekhte nahīñ
vo kab haiñ rang-o-bū kī haqīqat se āshnā
jo phuul dekhte haiñ kalī dekhte nahīñ
dīvāna keh rahe haiñ mujhe nāseh-e-shafīq
ye kis dayār kī hai galī dekhte nahīñ
ahbāb-e-bā-vafā kī samajh ko maiñ kyā kahūñ
ye log mere dil kī lagī dekhte nahīñ
kya qahr hai wo meri KHushi dekhte nahin
meri taraf wo bhul ke bhi dekhte nahin
'ashiq ke haal-e-zar ki allah re bebasi
sab log dekhte hain wahi dekhte nahin
wo kab hain rang-o-bu ki haqiqat se aashna
jo phul dekhte hain kali dekhte nahin
diwana keh rahe hain mujhe naseh-e-shafiq
ye kis dayar ki hai gali dekhte nahin
ahbab-e-ba-wafa ki samajh ko main kya kahun
ye log mere dil ki lagi dekhte nahin
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
