ek dipak hun to bujhne se bacha le mujhko

ek dīpak huuñ to bujhne se bachā le mujh ko

aur bujh jā.ūñ agar phir se jalā le mujh ko

āḳhrī saañs hai pal bhar meñ bikhar jā.ūñgī

mere mahbūb zarā aa ke bachā le mujh ko

phir kahīñ bhiiḌ meñ duniyā kī na kho jā.ūñ maiñ

apne dil ke kisī kone meñ chhupā le mujh ko

kitnā taḌpī huuñ tirī yaad meñ mere hamdam

ab to aa kar tū kaleje se lagā le mujh ko

ek paude ne mire dvaar pe aa kar ye kahā

maiñ huuñ tulsī kisī gamle meñ sajā le mujh ko

ik khile phuul ke mānind yahī kahtī huuñ

maiñ huuñ kāñToñ meñ koī in se nikāle mujh ko

ek dipak hun to bujhne se bacha le mujh ko

aur bujh jaun agar phir se jala le mujh ko

aaKHri sans hai pal bhar mein bikhar jaungi

mere mahbub zara aa ke bacha le mujh ko

phir kahin bhiD mein duniya ki na kho jaun main

apne dil ke kisi kone mein chhupa le mujh ko

kitna taDpi hun teri yaad mein mere hamdam

ab to aa kar tu kaleje se laga le mujh ko

ek paude ne mere dwar pe aa kar ye kaha

main hun tulsi kisi gamle mein saja le mujh ko

ek khile phul ke manind yahi kahti hun

main hun kanTon mein koi in se nikale mujh ko