baKHt ke zer-o-bam pe chhoDa hai
baḳht ke zer-o-bam pe chhoḌā hai
ḳhud ko tere karam pe chhoḌā hai
aa.iye baiThiye tamāshe meñ
maiñ ne aahū ko ram pe chhoḌā hai
zindagī ḳhaak meñ milā.egī
ḳhud ko barq-e-sitam pe chhoḌā hai
sar ko dīvār kā sahārā thā
ab ki ranj-o-alam pe chhoḌā hai
faisla ab mirā vahāñ hogā
sāhab-e-ḳhush-qalam pe chhoḌā hai
jiine marne kā faisla us ne
merī jhūTī qasam pe chhoḌā hai
dil kī āvārgī ko maiñ ne bhī
naqsh-hā-e-qadam pe chhoḌā hai
baKHt ke zer-o-bam pe chhoDa hai
KHud ko tere karam pe chhoDa hai
aaiye baiThiye tamashe mein
main ne aahu ko ram pe chhoDa hai
zindagi KHak mein milaegi
KHud ko barq-e-sitam pe chhoDa hai
sar ko diwar ka sahaara tha
ab ki ranj-o-alam pe chhoDa hai
faisla ab mera wahan hoga
sahab-e-KHush-qalam pe chhoDa hai
jine marne ka faisla us ne
meri jhuTi qasam pe chhoDa hai
dil ki aawargi ko main ne bhi
naqsh-ha-e-qadam pe chhoDa hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
