ajab mazaq ajab dil-lagi ka samna hai
'ajab mazāq 'ajab dil-lagī kā sāmnā hai
hamāre ghar meñ hameñ be-gharī kā sāmnā hai
ki maut hotī to ik khel ham samajh lete
magar yahāñ to hameñ zindagī kā sāmnā hai
na kal kī yaad na kal kī umiid baaqī hai
abhī abhī ki abhī bas abhī kā sāmnā hai
koī tamāshā koī khel dil ko bhātā nahīñ
kasīlā zā.iqa aur be-dilī kā sāmnā hai
'ajīb shor-o-talātum hai ruuh meñ jab se
kisī kī sabz ḳhunak ḳhāmushī kā sāmnā hai
'ajab mazaq 'ajab dil-lagi ka samna hai
hamare ghar mein hamein be-ghari ka samna hai
ki maut hoti to ek khel hum samajh lete
magar yahan to hamein zindagi ka samna hai
na kal ki yaad na kal ki umid baqi hai
abhi abhi ki abhi bas abhi ka samna hai
koi tamasha koi khel dil ko bhata nahin
kasila zaiqa aur be-dili ka samna hai
'ajib shor-o-talatum hai ruh mein jab se
kisi ki sabz KHunak KHamushi ka samna hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
