kitni sharmili lajili hai hawa barsat ki

kitnī sharmīlī lajīlī hai havā barsāt kī

miltī hai un kī adā se har adā barsāt kī

jaane kis mahivāl se aatī hai milne ke liye

sohnī gaatī huī sauñdhī havā barsāt kī

us ke ghar bhī tujh ko aanā chāhiye thā ai bahār

jis ne sab ke vāste māñgī duā barsāt kī

ab kī bārish meñ na rah jaa.e kisī ke dil meñ mail

sab kī gagrī dho ke bhar de ai ghaTā barsāt kī

dekhiye kuchh aise bhī bīmār haiñ barsāt ke

botaloñ meñ le ke nikle haiñ davā barsāt kī

jeb apnī dekh kar mausam se yaarī kījiye

ab kī mahñgī hai bahut āb-o-havā barsāt kī

bādaloñ kī ghan-garaj ko sun ke bachche kī tarah

chauñk chauñk uThtī hai rah rah kar fazā barsāt kī

rāste meñ tum agar bhīge to ḳhafgī mujh pe kyuuñ

mere munsif pe ḳhatā merī hai yā barsāt kī

ham to bārish meñ khulī chhat par na so.eñge 'nazīr'

aap tanhā apne sar liije balā barsāt kī

kitni sharmili lajili hai hawa barsat ki

milti hai un ki ada se har ada barsat ki

jaane kis mahiwal se aati hai milne ke liye

sohni gati hui saundhi hawa barsat ki

us ke ghar bhi tujh ko aana chahiye tha ai bahaar

jis ne sab ke waste mangi dua barsat ki

ab ki barish mein na rah jae kisi ke dil mein mail

sab ki gagri dho ke bhar de ai ghaTa barsat ki

dekhiye kuchh aise bhi bimar hain barsat ke

botalon mein le ke nikle hain dawa barsat ki

jeb apni dekh kar mausam se yari kijiye

ab ki mahngi hai bahut aab-o-hawa barsat ki

baadalon ki ghan-garaj ko sun ke bachche ki tarah

chaunk chaunk uThti hai rah rah kar faza barsat ki

raste mein tum agar bhige to KHafgi mujh pe kyun

mere munsif pe KHata meri hai ya barsat ki

hum to barish mein khuli chhat par na soenge 'nazir'

aap tanha apne sar lije bala barsat ki