ilaj-e-bekasi-e-chashm-e-nam bhi mumkin hai

'ilāj-e-bekasī-e-chashm-e-nam bhī mumkin hai

isī jahāñ meñ madavā-e-ġham bhī mumkin hai

ḳhulūs ho to kahīñ bandagī kī qaid nahīñ

sanam-kade meñ tavāf-e-haram bhī mumkin hai

vafā se haath uThā.eñ na aaj dil vaale

jafā ke baa'd nigāh-e-karam bhī mumkin hai

har ek sāqi-e-mahfil kā e'tibār na kar

subū-e-bāda-e-rangīñ meñ sam bhī mumkin hai

koī zarūr nahīñ har umiid bar aa.e

talab kī raah meñ kuchh besh-o-kam bhī mumkin hai

shab-e-darāz ke gesū sañvar chuke haiñ magar

kahīñ kahīñ pe abhī pech-o-ḳham bhī mumkin hai

shikoh-e-jubba-o-dastār par na jā 'muztar'

kalām-e-shaiḳh meñ pahlū-e-zam bhī mumkin hai

'ilaj-e-bekasi-e-chashm-e-nam bhi mumkin hai

isi jahan mein madawa-e-gham bhi mumkin hai

KHulus ho to kahin bandagi ki qaid nahin

sanam-kade mein tawaf-e-haram bhi mumkin hai

wafa se hath uThaen na aaj dil wale

jafa ke ba'd nigah-e-karam bhi mumkin hai

har ek saqi-e-mahfil ka e'tibar na kar

subu-e-baada-e-rangin mein sam bhi mumkin hai

koi zarur nahin har umid bar aae

talab ki rah mein kuchh besh-o-kam bhi mumkin hai

shab-e-daraaz ke gesu sanwar chuke hain magar

kahin kahin pe abhi pech-o-KHam bhi mumkin hai

shikoh-e-jubba-o-dastar par na ja 'muztar'

kalam-e-shaiKH mein pahlu-e-zam bhi mumkin hai