baiTh jata hai wo jab mahfil mein aa ke samne
baiTh jaatā hai vo jab mahfil meñ aa ke sāmne
maiñ hī bas hotā huuñ us kī is adā ke sāmne
tez thī itnī ki saarā shahr suunā kar ga.ī
der tak baiThā rahā maiñ us havā ke sāmne
raat ik ujḌe makāñ par jā ke jab āvāz dī
guuñj uTThe bām-o-dar merī sadā ke sāmne
vo rañgīlā haath mere dil pe aur us kī mahak
sham-e-dil bujh sī ga.ī rañg-e-hinā ke sāmne
maiñ to us ko dekhte hī jaise patthar ho gayā
baat tak muñh se na niklī bevafā ke sāmne
yaad bhī haiñ ai 'munīr' us shaam kī tanhā.iyāñ
ek maidāñ ik daraḳht aur tū ḳhudā ke sāmne
baiTh jata hai wo jab mahfil mein aa ke samne
main hi bas hota hun us ki is ada ke samne
tez thi itni ki sara shahr suna kar gai
der tak baiTha raha main us hawa ke samne
raat ek ujDe makan par ja ke jab aawaz di
gunj uTThe baam-o-dar meri sada ke samne
wo rangila hath mere dil pe aur us ki mahak
sham-e-dil bujh si gai rang-e-hina ke samne
main to us ko dekhte hi jaise patthar ho gaya
baat tak munh se na nikli bewafa ke samne
yaad bhi hain ai 'munir' us sham ki tanhaiyan
ek maidan ek daraKHt aur tu KHuda ke samne
- Book : kulliyat-e-muniir niyaazii (Pg. 244)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
