bahut zindagi ka bhala chahta hun

bahut zindagī kā bhalā chāhtā huuñ

ba-alfāz-e-dīgar qazā chāhtā huuñ

mirī vahshatoñ kā sabab kaun samjhe

ki maiñ gum-shuda qāfila chāhtā huuñ

butoñ se huuñ bezār itnā ki bas ab

ḳhudā hī ḳhudā bas ḳhudā chāhtā huuñ

ye duniyā ye uqbā to sab chāhte haiñ

magar maiñ kuchh is ke sivā chāhtā huuñ

judāgāna haiñ ab yazīdī mazālim

so maiñ karbalā bhī judā chāhtā huuñ

anāsir kī zanjīr ko toḌ kar maiñ

fanā chāhtā huuñ baqā chāhtā huuñ

mujhe shak hai hone na hone pe 'ḳhālid'

agar huuñ to apnā patā chāhtā huuñ

bahut zindagi ka bhala chahta hun

ba-alfaz-e-digar qaza chahta hun

meri wahshaton ka sabab kaun samjhe

ki main gum-shuda qafila chahta hun

buton se hun bezar itna ki bas ab

KHuda hi KHuda bas KHuda chahta hun

ye duniya ye uqba to sab chahte hain

magar main kuchh is ke siwa chahta hun

judagana hain ab yazidi mazalim

so main karbala bhi juda chahta hun

anasir ki zanjir ko toD kar main

fana chahta hun baqa chahta hun

mujhe shak hai hone na hone pe 'KHalid'

agar hun to apna pata chahta hun