tujhe junun ka ye pahla KHumar kaisa laga
tujhe junūñ kā ye pahlā ḳhumār kaisā lagā
bichhaḌ ke mujh se tujhe ab qarār kaisā lagā
bharī bahār meñ jo chhoḌ kar gayā thā mujhe
use ḳhizāñ kā ye uḌtā ġhubār kaisā lagā
hamārī bazm-e-vafā se nikal gaye ho to ab
judā.iyoñ kā nayā ye hisār kaisā lagā
sitam kī dhuup ne ham ko jalā diyā thā magar
ye mere chehre pe taaza nikhār kaisā lagā
tujhe junun ka ye pahla KHumar kaisa laga
bichhaD ke mujh se tujhe ab qarar kaisa laga
bhari bahaar mein jo chhoD kar gaya tha mujhe
use KHizan ka ye uDta ghubar kaisa laga
hamari bazm-e-wafa se nikal gaye ho to ab
judaiyon ka naya ye hisar kaisa laga
sitam ki dhup ne hum ko jala diya tha magar
ye mere chehre pe taza nikhaar kaisa laga
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
