saba bhi jaanib-e-zindan udas aati hai

sabā bhī jānib-e-zindāñ udaas aatī hai

yahāñ bahār nahīñ bū-e-yās aatī hai

hamārī baat to lagtī hai sab ko afsāna

tumhārī chup bhī zamāne ko raas aatī hai

tumhārī yaad kī ḳhushbū mahakte āñchal sī

havā kā haath pakaḌ kar ke paas aatī hai

vo luuT letī hai aa kar sukūn-e-qalb-o-nazar

kabhī vo ban ke mirī ġham-shanās aatī hai

mire rafīqoñ kī nafrat bhī aaj kal dekho

pahan ke jhūTī hañsī kā libās aatī hai

ye us ke lams-e-masīhā kā hai asar 'rāvī'

vagarna lafz meñ aisī miThās aatī hai

saba bhi jaanib-e-zindan udas aati hai

yahan bahaar nahin bu-e-yas aati hai

hamari baat to lagti hai sab ko afsana

tumhaari chup bhi zamane ko ras aati hai

tumhaari yaad ki KHushbu mahakte aanchal si

hawa ka hath pakaD kar ke pas aati hai

wo luT leti hai aa kar sukun-e-qalb-o-nazar

kabhi wo ban ke meri gham-shanas aati hai

mere rafiqon ki nafrat bhi aaj kal dekho

pahan ke jhuTi hansi ka libas aati hai

ye us ke lams-e-masiha ka hai asar 'rawi'

wagarna lafz mein aisi miThas aati hai