badan pe pairahan-e-KHak ke siwa kya hai
badan pe pairahan-e-ḳhāk ke sivā kyā hai
mire alaav meñ ab raakh ke sivā kyā hai
ye shahr-e-sajda-guzārāñ dayār-e-kam-nazarāñ
yatīm-ḳhāna-e-idrāk ke sivā kyā hai
tamām gumbad-o-mīnār-o-mimbar-o-mehrāb
faqīh-e-shahr kī imlāk ke sivā kyā hai
khule saroñ kā muqaddar ba-e-faiz-e-jahl-e-ḳhirad
fareb-e-sāya-e-aflāk ke sivā kyā hai
tamām umr kā hāsil ba-fazl-e-rabb-e-karīm
mata-e-dīda-e-namnāk ke sivā kyā hai
ye merā da.avā-e-ḳhud-bīnī-o-jahāñ-bīnī
mirī jihālat-e-saffāk ke sivā kyā hai
jahān-e-fikr-o-amal meñ ye merā zom-e-vajūd
faqat numā.ish-e-poshāk ke sivā kyā hai
badan pe pairahan-e-KHak ke siwa kya hai
mere alaw mein ab rakh ke siwa kya hai
ye shahr-e-sajda-guzaran dayar-e-kam-nazaran
yatim-KHana-e-idrak ke siwa kya hai
tamam gumbad-o-minar-o-mimbar-o-mehrab
faqih-e-shahr ki imlak ke siwa kya hai
khule saron ka muqaddar ba-e-faiz-e-jahl-e-KHirad
fareb-e-saya-e-aflak ke siwa kya hai
tamam umr ka hasil ba-fazl-e-rabb-e-karim
mata-e-dida-e-namnak ke siwa kya hai
ye mera dawa-e-KHud-bini-o-jahan-bini
meri jihaalat-e-saffak ke siwa kya hai
jahan-e-fikr-o-amal mein ye mera zom-e-wajud
faqat numaish-e-poshak ke siwa kya hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
