badan hai sabz aur shadab lekin ruh pyasi hai
badan hai sabz aur shādāb lekin ruuh pyāsī hai
mire andar hazāroñ bāñjh peḌoñ kī udāsī hai
kisī ke dil se ab jazbāt kā rishta nahīñ qaa.em
hañsī bhī maslahat-āmez aañsū bhī siyāsī hai
pa.e-iz.hār kuchh aisā nahīñ hai jo anokhā ho
har ik jazba purānā hai har ik ehsās baasī hai
hameñ har vaqt ye ehsās dāman-gīr rahtā hai
paḌe haiñ Dher saare kaam aur mohlat zarā sī hai
simaT kar rah ga.ī hai vus.at-e-duniyā hathelī bhar
hamārā mas.ala ab bhī hamārī ḳhud-shanāsī hai
lagā huuñ maiñ 'talab' is sach ko jhuTlāne meñ barsoñ se
maiñ kal aaqā thā jis kā ab mire beTe kī daasī hai
badan hai sabz aur shadab lekin ruh pyasi hai
mere andar hazaron banjh peDon ki udasi hai
kisi ke dil se ab jazbaat ka rishta nahin qaem
hansi bhi maslahat-amez aansu bhi siyasi hai
pae-izhaar kuchh aisa nahin hai jo anokha ho
har ek jazba purana hai har ek ehsas basi hai
hamein har waqt ye ehsas daman-gir rahta hai
paDe hain Dher sare kaam aur mohlat zara si hai
simaT kar rah gai hai wusat-e-duniya hatheli bhar
hamara masala ab bhi hamari KHud-shanasi hai
laga hun main 'talab' is sach ko jhuTlane mein barson se
main kal aaqa tha jis ka ab mere beTe ki dasi hai
- Book : Ghazal Ke Rang (Pg. 144)
- Author : Akram Naqqash, Sohil Akhtar
- Publication : Aflaak Publications, Gulbarga (2014)
- Edition : 2014
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
