guzarti umr hai yun daur-e-asmani mein

guzartī 'umr hai yuuñ daur-e-āsmānī meñ

ki jaise jaa.e koī kashti-e-duḳhānī meñ

rukāo ḳhuub nahīñ tab' kī ravānī meñ

ki bū fasād kī aatī hai band paanī meñ

kahāniyāñ haiñ hikāyāt-e-ḳhizr-o-āb-e-baqā

baqā kā zikr hai kyā is jahān-e-fānī meñ

nahīñ ḳhizāb se matlab hameñ ye mū-e-safed

siyāh-posh hue mātam-e-javānī meñ

vo sīdhe ghar ko sidhāre aur un kī khoj meñ ham

phire bhaTakte hue kū-e-bad-gumānī meñ

hamesha hai mujhe sarmāya-e-baqā meñ baqā

habāb-vār huuñ maiñ āb-e-zindagānī meñ

ba-juz nisār-‘alī-shāh kaun jaane 'zauq'

tirī zabāñ kā mazā terī she'r-ḳhvānī meñ

guzarti 'umr hai yun daur-e-asmani mein

ki jaise jae koi kashti-e-duKHani mein

rukao KHub nahin tab' ki rawani mein

ki bu fasad ki aati hai band pani mein

kahaniyan hain hikayat-e-KHizr-o-ab-e-baqa

baqa ka zikr hai kya is jahan-e-fani mein

nahin KHizab se matlab hamein ye mu-e-safed

siyah-posh hue matam-e-jawani mein

wo sidhe ghar ko sidhaare aur un ki khoj mein hum

phire bhaTakte hue ku-e-bad-gumani mein

hamesha hai mujhe sarmaya-e-baqa mein baqa

habab-war hun main aab-e-zindagani mein

ba-juz nisar-‘ali-shah kaun jaane 'zauq'

teri zaban ka maza teri she'r-KHwani mein