tumhein tum se churana chahta hun
tumheñ tum se churānā chāhtā huuñ
kahīñ dil meñ chhupānā chāhtā huuñ
bhale mumkin nahīñ hai tum ko paanā
maiñ ḳhud ko āzmānā chāhtā huuñ
kabhī bachchoñ se thī yaarī mirī bhī
maiñ phir se khilkhilānā chāhtā huuñ
bahut se log tum se āshnā haiñ
maiñ sab kā jī jalānā chāhtā huuñ
kisī ḳhāmosh dariyā ke kināre
maiñ tujh meñ Duub jaanā chāhtā huuñ
tumhein tum se churana chahta hun
kahin dil mein chhupana chahta hun
bhale mumkin nahin hai tum ko pana
main KHud ko aazmana chahta hun
kabhi bachchon se thi yari meri bhi
main phir se khilkhilana chahta hun
bahut se log tum se aashna hain
main sab ka ji jalana chahta hun
kisi KHamosh dariya ke kinare
main tujh mein Dub jaana chahta hun
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
