hare hue mere raste mein aane wale bhi
hare hue mire raste meñ aane vaale bhī
yūñhī ulajhte nahīñ haiñ zamāne vaale bhī
faqīr hī tumheñ aage kī rah dikhā.eñge
ye milne vaale bhī haiñ aur milāne vaale bhī
ye jism vaise bhī miTTī kā rizq banñā thā
ġhalat nahīñ haiñ tujhe kaaT khāne vaale bhī
palaT ga.e to masīhā shumār hone lage
ik aadh baar tujhe dekh jaane vaale bhī
rakhe hue the siyāsat kī mez par 'hāris'
vatan ke bāġhī bhī aur jaañ luTāne vaale bhī
hare hue mere raste mein aane wale bhi
yunhi ulajhte nahin hain zamane wale bhi
faqir hi tumhein aage ki rah dikhaenge
ye milne wale bhi hain aur milane wale bhi
ye jism waise bhi miTTi ka rizq banna tha
ghalat nahin hain tujhe kaT khane wale bhi
palaT gae to masiha shumar hone lage
ek aadh bar tujhe dekh jaane wale bhi
rakhe hue the siyasat ki mez par 'haaris'
watan ke baghi bhi aur jaan luTane wale bhi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
