zindagi pai wo jis mein koi aawaz nahin
zindagī paa.ī vo jis meñ koī āvāz nahīñ
lai nahīñ naġhma nahīñ soz nahīñ saaz nahīñ
bāl-o-par nazr-e-qafas ho chuke majbūr haiñ ham
āshiyāñ sāmne hai tāqat-e-parvāz nahīñ
aaj ḳhāmosh huā hai mirī hastī kā rabāb
taar sab TuuT chuke saaz meñ āvāz nahīñ
be-kasī pūchhne aa.ī sar-e-turbat mujh se
marne vaale tire dil meñ to koī raaz nahīñ
kāsa-e-dil ko liye husn kī galiyoñ meñ 'munīr'
chīḳhtā phirtā huuñ detā koī āvāz nahīñ
zindagi pai wo jis mein koi aawaz nahin
lai nahin naghma nahin soz nahin saz nahin
baal-o-par nazr-e-qafas ho chuke majbur hain hum
aashiyan samne hai taqat-e-parwaz nahin
aaj KHamosh hua hai meri hasti ka rabab
tar sab TuT chuke saz mein aawaz nahin
be-kasi puchhne aai sar-e-turbat mujh se
marne wale tere dil mein to koi raaz nahin
kasa-e-dil ko liye husn ki galiyon mein 'munir'
chiKHta phirta hun deta koi aawaz nahin
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
