asar ke pichhe dil-e-hazin ne nishan chhoDa na phir kahin ka
asar ke pīchhe dil-e-hazīñ ne nishān chhoḌā na phir kahīñ kā
ga.e haiñ naale jo sū-e-gardūñ to ashk ne ruḳh kiyā zamīñ kā
bhalī thī taqdīr yā burī thī ye raaz kis tarah se ayaañ ho
butoñ ko sajde kiye haiñ itne ki miT gayā sab likhā jabīñ kā
vahī laḌakpan kī shoḳhiyāñ haiñ vo aglī hī sahī sharārteñ haiñ
siyāne hoñge to haañ bhī hogī abhī to san hai nahīñ nahīñ kā
ye nazm-e-ā.īñ ye tarz-e-bandish suḳhanvarī hai fusūñ-garī hai
ki reḳhta meñ bhī tere 'shiblī' maza hai tarz-e-'alī-hazīñ' kā
asar ke pichhe dil-e-hazin ne nishan chhoDa na phir kahin ka
gae hain nale jo su-e-gardun to ashk ne ruKH kiya zamin ka
bhali thi taqdir ya buri thi ye raaz kis tarah se ayan ho
buton ko sajde kiye hain itne ki miT gaya sab likha jabin ka
wahi laDakpan ki shoKHiyan hain wo agli hi sahi shararten hain
siyane honge to han bhi hogi abhi to san hai nahin nahin ka
ye nazm-e-ain ye tarz-e-bandish suKHanwari hai fusun-gari hai
ki reKHta mein bhi tere 'shibli' maza hai tarz-e-'ali-hazin' ka
- Book : kalam-e-shibli (Pg. 112)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
