koi tajwar nahin hai koi muqtadar nahin hai
koī tājvar nahīñ hai koī muqtadar nahīñ hai
rah-e-'ishq hai hī aisī koī bā-asar nahīñ hai
bhale laakh manzileñ hoñ kahāñ fāsle kaTeñge
mujhe jab talak mayassar tirī rah-guzar nahīñ hai
dil-e-muztarib pe haavī vo azal ke din kī raunaq
tire us jahān-e-ġham kī hameñ kuchh ḳhabar nahīñ hai
saf-e-dostāñ meñ aanā to anā.eñ bhuul jaanā
ye safar hai 'ājizī kā so agar-magar nahīñ hai
maiñ bhaTak gayā to 'jāmī' mirī vāpsī na hogī
tire dar sivā jahāñ meñ mirā koī ghar nahīñ hai
koi tajwar nahin hai koi muqtadar nahin hai
rah-e-'ishq hai hi aisi koi ba-asar nahin hai
bhale lakh manzilen hon kahan fasle kaTenge
mujhe jab talak mayassar teri rah-guzar nahin hai
dil-e-muztarib pe hawi wo azal ke din ki raunaq
tere us jahan-e-gham ki hamein kuchh KHabar nahin hai
saf-e-dostan mein aana to anaen bhul jaana
ye safar hai 'ajizi ka so agar-magar nahin hai
main bhaTak gaya to 'jami' meri wapsi na hogi
tere dar siwa jahan mein mera koi ghar nahin hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
