habs-e-jahan ko KHuld ki aab-o-hawa mili

habs-e-jahāñ ko ḳhuld kī āb-o-havā milī

ham ko purānī dost achānak se aa milī

vaise to har hasīna hai apnī misāl aap

lekin hamāre vaalī ko jiddat judā milī

duniyā thī be-amān jahālat kā daur thā

aa.e janāb-e-ġhāzī ridā ko ridā milī

dast-e-abad ko chuum ke marne lage the ham

jiinā paḌā ki vo hameñ ban kar ḳhudā milī

'kāshif' hamārā jiinā tamāñcha hai maut par

dhokā hai zindagī jo bataur-e-sazā milī

habs-e-jahan ko KHuld ki aab-o-hawa mili

hum ko purani dost achanak se aa mili

waise to har hasina hai apni misal aap

lekin hamare wali ko jiddat juda mili

duniya thi be-aman jahaalat ka daur tha

aae janab-e-ghazi rida ko rida mili

dast-e-abad ko chum ke marne lage the hum

jina paDa ki wo hamein ban kar KHuda mili

'kashif' hamara jina tamancha hai maut par

dhoka hai zindagi jo bataur-e-saza mili