nida-e-gul ki ba-waqt-e-sahar charagh jale
nidā-e-gul ki ba-vaqt-e-sahar charāġh jale
ba-pesh-e-mahr ba-rū-e-qamar charāġh jale
sitam-zarīfī-e-qismat añdher-ḳhāne meñ
añdherā chhāyā rahā ye kidhar charāġh jale
charāġh pāniyoñ meñ jalte to nahīñ phir bhī
lahū meñ mere ba-rang-e-digar charāġh jale
misāl-e-kirmak-e-shab-tāb jal rahā huuñ maiñ
bujhāyā jā.egā mujh ko agar charāġh jale
jo chal diye the mujhe chhoḌ kar añdhere meñ
unheñ bhī koī kare ab ḳhabar charāġh jale
nida-e-gul ki ba-waqt-e-sahar charagh jale
ba-pesh-e-mahr ba-ru-e-qamar charagh jale
sitam-zarifi-e-qismat andher-KHane mein
andhera chhaya raha ye kidhar charagh jale
charagh paniyon mein jalte to nahin phir bhi
lahu mein mere ba-rang-e-digar charagh jale
misal-e-kirmak-e-shab-tab jal raha hun main
bujhaya jaega mujh ko agar charagh jale
jo chal diye the mujhe chhoD kar andhere mein
unhen bhi koi kare ab KHabar charagh jale
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
