ishq mein meri tarah zahmat uThani chahiye

'ishq meñ merī tarah zahmat uThānī chāhiye

kam se kam tum ko bhī merī yaad aanī chāhiye

chand lamhoñ meñ tumheñ sochā to ġhazleñ ho ga.iiñ

aur kyā tum ko mohabbat kī nishānī chāhiye

jin ke shajre tak police thāne meñ rakkhe haiñ janāb

aise logoñ ko bhī rishta ḳhāndānī chāhiye

is añdherī raat meñ sūraj ke kyuuñ haiñ muntazir

in charāġhoñ ko bhī kuchh himmat dikhānī chāhiye

muskurānā is liye bhī farz hai mujh par 'samar'

ahl-e-duniyā ko mirī āñkhoñ meñ paanī chāhiye

'ishq mein meri tarah zahmat uThani chahiye

kam se kam tum ko bhi meri yaad aani chahiye

chand lamhon mein tumhein socha to ghazlen ho gain

aur kya tum ko mohabbat ki nishani chahiye

jin ke shajre tak police thane mein rakkhe hain janab

aise logon ko bhi rishta KHandani chahiye

is andheri raat mein suraj ke kyun hain muntazir

in charaghon ko bhi kuchh himmat dikhani chahiye

muskurana is liye bhi farz hai mujh par 'samar'

ahl-e-duniya ko meri aankhon mein pani chahiye