bin mile un se guzara nahin hone wala
bin mile un se guzārā nahīñ hone vaalā
dil ke zaḳhmoñ kā mudāvā nahīñ hone vaalā
mil ke kuchh to yahāñ karnā hī paḌegā ham ko
ḳhālī bātoñ se ujālā nahīñ hone vaalā
kar ke vā'de vo mukartā hī rahā hai aksar
us ke vā'doñ pe bharosa nahīñ hone vaalā
koī tanhā.ī meñ kyuuñ aise pukāre tujh ko
tū kisī kā bhī sahārā nahīñ hone vaalā
tū ne ilzām diye itne ki lagtā hai yuuñ
ab kabhī merā zamāna nahīñ hone vaalā
ghar meñ baiThe haiñ abhī band añdheroñ meñ sabhī
ye na socheñ ki saverā nahīñ hone vaalā
āsmāñ meñ hoñ bhale lākhoñ hī taare lekin
koī bhī merā sitārā nahīñ hone vaalā
bin mile un se guzara nahin hone wala
dil ke zaKHmon ka mudawa nahin hone wala
mil ke kuchh to yahan karna hi paDega hum ko
KHali baaton se ujala nahin hone wala
kar ke wa'de wo mukarta hi raha hai aksar
us ke wa'don pe bharosa nahin hone wala
koi tanhai mein kyun aise pukare tujh ko
tu kisi ka bhi sahaara nahin hone wala
tu ne ilzam diye itne ki lagta hai yun
ab kabhi mera zamana nahin hone wala
ghar mein baiThe hain abhi band andheron mein sabhi
ye na sochen ki sawera nahin hone wala
aasman mein hon bhale lakhon hi tare lekin
koi bhi mera sitara nahin hone wala
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
