badal ye sard subhao baDa andhera hai

badal ye sard subhāo baḌā añdherā hai

mire lahū ke alaao baḌā añdherā hai

numūd-e-she'r kī afkār-e-nau kī jiddat kī

abhī na baat chalāo baḌā añdherā hai

ba-nām-e-nūr-o-tajallī ba-shauq-e-chashm-o-nigāh

bhale hamīñ ko jalāo baḌā añdherā hai

fazā-e-maktab-e-'ālam hai tā-ba-had tārīk

mai-e-shu'ūr pilāo baḌā añdherā hai

vo dāstān-e-tajallī vo tuur kā qissa

jo ho sake to sunāo baḌā añdherā hai

hazīmatoñ ke muqābil charāġh sā koī sar

sināñ kī nok pe laao baḌā añdherā hai

charāġh-e-āḳhir-e-shab hī na ho tavālat-e-shab

charāġh-e-shab ko bujhāo baḌā añdherā hai

badan ke hajla-e-zartār se koī misra'

misāl-e-sham' uThāo baḌā añdherā hai

badal ye sard subhao baDa andhera hai

mere lahu ke alao baDa andhera hai

numud-e-she'r ki afkar-e-nau ki jiddat ki

abhi na baat chalao baDa andhera hai

ba-nam-e-nur-o-tajalli ba-shauq-e-chashm-o-nigah

bhale hamin ko jalao baDa andhera hai

faza-e-maktab-e-'alam hai ta-ba-had tarik

mai-e-shu'ur pilao baDa andhera hai

wo dastan-e-tajalli wo tur ka qissa

jo ho sake to sunao baDa andhera hai

hazimaton ke muqabil charagh sa koi sar

sinan ki nok pe lao baDa andhera hai

charagh-e-aKHir-e-shab hi na ho tawalat-e-shab

charagh-e-shab ko bujhao baDa andhera hai

badan ke hajla-e-zartar se koi misra'

misal-e-sham' uThao baDa andhera hai