us nazish-e-sitara ko aaina kyon na dun

us nāzish-e-sitāra ko ā.īna kyoñ na duuñ

tafsīr-e-sirr-e-vahshat-e-pārīna kyoñ na duuñ

ā.īna kyoñ na duuñ ki mile koī to nazīr

us ko surāġh-e-hasrat-e-dairīna kyoñ na duuñ

hai gardish-e-mudām meñ ye 'ishq mubtalā

ḳhūn-e-jigar kā ab use rozīna kyoñ na duuñ

jo ḳhvāb TuuT kar bhī rahe dil meñ jāguzīñ

un ko maiñ ġham-gusārī-e-dairīna kyoñ na duuñ

kaif-e-visāl se dil-e-muztar hai jal-tarang

in dhaḌkanoñ ko zīnat-e-sāzīna kyoñ na duuñ

ye musht-e-ḳhāk-e-dil mujhe har shai se hai 'azīz

is ko ġham-e-hayāt kā ganjīna kyoñ na duuñ

us nazish-e-sitara ko aaina kyon na dun

tafsir-e-sirr-e-wahshat-e-parina kyon na dun

aaina kyon na dun ki mile koi to nazir

us ko suragh-e-hasrat-e-dairina kyon na dun

hai gardish-e-mudam mein ye 'ishq mubtala

KHun-e-jigar ka ab use rozina kyon na dun

jo KHwab TuT kar bhi rahe dil mein jaguzin

un ko main gham-gusari-e-dairina kyon na dun

kaif-e-visal se dil-e-muztar hai jal-tarang

in dhaDkanon ko zinat-e-sazina kyon na dun

ye musht-e-KHak-e-dil mujhe har shai se hai 'aziz

is ko gham-e-hayat ka ganjina kyon na dun