surKH-ru KHud ko karen hum aapko ruswa karen
surḳh-rū ḳhud ko kareñ ham aap ko rusvā kareñ
vaqt aisā din na dikhlā.e ki ham aisā kareñ
aa.ine ko saaf rakhnā jab rahā apnā usuul
aap kī jānib se apne dil ko kyuuñ mailā kareñ
bahr-e-tūfāñ se guzarne kī agar himmat nahīñ
aap sāhil se hamārā hausla dekhā kareñ
vaqt kā farhād ban jaanā koī mushkil nahīñ
ham agar tesha-zanī kā hausla paidā kareñ
ham bhī dekheñge nujūm-o-kahkashāñ bhī rashk se
ik jagah iḳhlās se mil kar agar baiThā kareñ
surKH-ru KHud ko karen hum aap ko ruswa karen
waqt aisa din na dikhlae ki hum aisa karen
aaine ko saf rakhna jab raha apna usul
aap ki jaanib se apne dil ko kyun maila karen
bahr-e-tufan se guzarne ki agar himmat nahin
aap sahil se hamara hausla dekha karen
waqt ka farhad ban jaana koi mushkil nahin
hum agar tesha-zani ka hausla paida karen
hum bhi dekhenge nujum-o-kahkashan bhi rashk se
ek jagah iKHlas se mil kar agar baiTha karen
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
