mujhe to tere alawa pata kisi ka nahin

mujhe to tere 'alāva pata kisī kā nahīñ

tū jāntā hai maiñ terā huuñ yā kisī kā nahīñ

bhañvar meñ aan phañse haiñ to chīḳhte kyuuñ ho

kahā nahīñ thā tumheñ nā-ḳhudā kisī kā nahīñ

utaar letā hai sab ke nuqūsh siine meñ

ye aur baat ki ye aa.ina kisī kā nahīñ

diye bhī paas haiñ lekin shikast-e-shab ke liye

mahāz khol de ye hausla kisī kā nahīñ

agar mile the to ik din judā bhī honā thā

qusūr is meñ tirā yā mirā kisī kā nahīñ

'zahīr' ham hī chalāte the raushnī ke tiir

hamāre baa'd to ye mashġhala kisī kā nahīñ

mujhe to tere 'alawa pata kisi ka nahin

tu jaanta hai main tera hun ya kisi ka nahin

bhanwar mein aan phanse hain to chiKHte kyun ho

kaha nahin tha tumhein na-KHuda kisi ka nahin

utar leta hai sab ke nuqush sine mein

ye aur baat ki ye aaina kisi ka nahin

diye bhi pas hain lekin shikast-e-shab ke liye

mahaz khol de ye hausla kisi ka nahin

agar mile the to ek din juda bhi hona tha

qusur is mein tera ya mera kisi ka nahin

'zahir' hum hi chalate the raushni ke tir

hamare ba'd to ye mashghala kisi ka nahin