kuchh is tarah wo pairahan-e-surKH tang tha

kuchh is tarah vo pairahan-e-surḳh tang thā

mahfil meñ us ko dekh ke har shaḳhs dang thā

dil mutma.in hai tum se mulāqāt ho ga.ī

ye aa.ina azal se talabgār-e-sang thā

thī maslahat kuchh aur sadāqat kuchh aur thī

ik 'umr merā kaam bas apne se jang thā

yādash-ba-ḳhair jab mirī āñkheñ khulī na thiiñ

maiñ bhī asīr-e-nashsha-e-sahbā-e-rang thā

'irshād' hoTeloñ meñ kaTī saarī zindagī

tum ḳhud kaho ye kaun sā jiine kā Dhang thā

kuchh is tarah wo pairahan-e-surKH tang tha

mahfil mein us ko dekh ke har shaKHs dang tha

dil mutmain hai tum se mulaqat ho gai

ye aaina azal se talabgar-e-sang tha

thi maslahat kuchh aur sadaqat kuchh aur thi

ek 'umr mera kaam bas apne se jang tha

yaadash-ba-KHair jab meri aankhen khuli na thin

main bhi asir-e-nashsha-e-sahba-e-rang tha

'irshad' hoTelon mein kaTi sari zindagi

tum KHud kaho ye kaun sa jine ka Dhang tha