KHwab jaisa husn tha ya aaina rakkha hua

ḳhvāb jaisā husn thā yā aa.ina rakkhā huā

'ishq ne thā har tamannā ko harā rakkhā huā

maiñ ne to saare darīchoñ meñ diye raushan kiye

ab havā ke haath meñ hai faisla rakkhā huā

kis ne dariyā ke bahāv se na pūchhā rāsta

kis ne lahroñ kī jabīñ par thā ghaḌā rakkhā huā

mujh junūñ-nisbat ko bhī vahshat mayassar aa ga.ī

ḳhvāhish-e-dīvār ne thā mubtalā rakkhā huā

zindagī se itnī ummīdeñ na bāñdho tum ki ye

bahte paanī par hai koī bulbulā rakkhā huā

muddatoñ ke baa'd us ne bhī pukārā hai mujhe

ab hamāre darmiyāñ hai fāsla rakkhā huā

har pareshāñ soch thī mere yaqīnoñ kī 'bashar'

har gumāñ ke shahr meñ thā vasvasa rakkhā huā

KHwab jaisa husn tha ya aaina rakkha hua

'ishq ne tha har tamanna ko hara rakkha hua

main ne to sare darichon mein diye raushan kiye

ab hawa ke hath mein hai faisla rakkha hua

kis ne dariya ke bahaw se na puchha rasta

kis ne lahron ki jabin par tha ghaDa rakkha hua

mujh junun-nisbat ko bhi wahshat mayassar aa gai

KHwahish-e-diwar ne tha mubtala rakkha hua

zindagi se itni ummiden na bandho tum ki ye

bahte pani par hai koi bulbula rakkha hua

muddaton ke ba'd us ne bhi pukara hai mujhe

ab hamare darmiyan hai fasla rakkha hua

har pareshan soch thi mere yaqinon ki 'bashar'

har guman ke shahr mein tha waswasa rakkha hua