dhul aankhon se abhi nikli nahin

dhuul āñkhoñ se abhī niklī nahīñ

ā.ina-ḳhāne meñ ḳhāmoshī nahīñ

yuuñ bhī tujh ko bhūlnā dushvār hai

aur tujh meñ 'aib bhī koī nahīñ

dhuup itnī tez thī kahnā paḌā

saa.e kī mujh ko zarūrat hī nahīñ

bas usī ke raqs meñ vijdān hai

vo jo miTTī chaak tak pahuñchī nahīñ

ḳhud-ba-ḳhud hī ab vo dar khulne lagā

jis talak duniyā kabhī pahuñchī nahīñ

dhul aankhon se abhi nikli nahin

aaina-KHane mein KHamoshi nahin

yun bhi tujh ko bhulna dushwar hai

aur tujh mein 'aib bhi koi nahin

dhup itni tez thi kahna paDa

sae ki mujh ko zarurat hi nahin

bas usi ke raqs mein wijdan hai

wo jo miTTi chaak tak pahunchi nahin

KHud-ba-KHud hi ab wo dar khulne laga

jis talak duniya kabhi pahunchi nahin