aadmi apne hi andar jast bhar pata hai kya

aadmī apne hī andar jast bhar paatā hai kyā

aur agar bhar le to phir vo lauT kar aatā hai kyā

pyaas ke māroñ se koī ok bharvātā hai kyā

ḳhair in bātoñ se tujh kam-fahm kā naatā hai kyā

vāqi'a dohrā rahī hotī hai jab ye dāstāñ

us samay rāqim bhī apnā aap dohrātā hai kyā

ye jo mere ḳhuun kī gulkāriyāñ haiñ ḳhaak par

in kā sehrā bhī mire qātil ke sar jaatā hai kyā

fikr kā ye jānvar paalā huā hai shauq se

kyā batā.eñ ab tumheñ piitā hai kyā khātā hai kyā

maiñ to tujh ko roz chamkātā huuñ mere aa.ine

tū batā tū mere ḳhāl-o-ḳhad ko chamkātā hai kyā

vaqt kā pahiya zarā ulTā ghumā le aur bas

ye zehānat kī sadī hai dost pachhtātā hai kyā

nau-'urūsān-e-ġhazal chhāneñ tire qadmoñ kī ḳhaak

kyuuñ sarā-e-saut se tū lafz bhijvātā hai kyā

aadmi apne hi andar jast bhar pata hai kya

aur agar bhar le to phir wo lauT kar aata hai kya

pyas ke maron se koi ok bharwata hai kya

KHair in baaton se tujh kam-fahm ka nata hai kya

waqi'a dohra rahi hoti hai jab ye dastan

us samay raqim bhi apna aap dohraata hai kya

ye jo mere KHun ki gulkariyan hain KHak par

in ka sehra bhi mere qatil ke sar jata hai kya

fikr ka ye jaanwar pala hua hai shauq se

kya bataen ab tumhein pita hai kya khata hai kya

main to tujh ko roz chamkata hun mere aaine

tu bata tu mere KHal-o-KHad ko chamkata hai kya

waqt ka pahiya zara ulTa ghuma le aur bas

ye zehanat ki sadi hai dost pachhtata hai kya

nau-'urusan-e-ghazal chhanen tere qadmon ki KHak

kyun sara-e-saut se tu lafz bhijwata hai kya