ai dard dil mein rah kar dil hi ka raaz ho ja

ai dard dil meñ rah kar dil hī kā raaz ho jā

bīmār-e-ġham kā apne ḳhud chārasāz ho jā

ai jazb-e-dil sarāpā soz-o-gudāz ho jā

duniyā-e-rañg-o-bū meñ duniyā-e-rāz ho jā

haañ haañ baḌhā de muddat pābandi-e-junūñ kī

zulf-e-darāz-e-jānāñ umr-e-darāz ho jā

har zarra-e-haqīqat ye de rahā sadā hai

pahle rah-e-talab meñ ḳhāk-e-majāz ho jā

sar nāma-e-adam hai unvān-e-zindagānī

ai imtiyāz-e-hastī tafsīr-e-rāz ho jā

ai be-ḳhabar guzar jā zauq-e-nazar kī had se

jalvoñ meñ us ke ghir kar jalva-tarāz ho jā

ai banda-e-tarīqat ādāb-e-zindagī sun

mahv-e-sujūd ho kar jān-e-namāz ho jā

ḳhirqa sharāb se tar dastār mai se rañgīñ

ai shaiḳh-e-pāk-dāman yuuñ pāk-bāz ho jā

tū rāzdāñ hai dil kā dil rāz-dār-e-ulfat

yā sarfarāz kar de yā sarfarāz ho jā

tū raunaq-e-haram hai yā but-kada kī zīnat

ḳhud imtiyāz ban kar ik imtiyāz ho jā

jaanā hai jab muqarrar dār-e-fanā se 'afqar'

rāh-e-vafā meñ miT kar ḳhāk-e-hijāz ho jā

ai dard dil mein rah kar dil hi ka raaz ho ja

bimar-e-gham ka apne KHud chaarasaz ho ja

ai jazb-e-dil sarapa soz-o-gudaz ho ja

duniya-e-rang-o-bu mein duniya-e-raaz ho ja

han han baDha de muddat pabandi-e-junun ki

zulf-e-daraaz-e-jaanan umr-e-daraaz ho ja

har zarra-e-haqiqat ye de raha sada hai

pahle rah-e-talab mein KHak-e-majaz ho ja

sar nama-e-adam hai unwan-e-zindagani

ai imtiyaz-e-hasti tafsir-e-raaz ho ja

ai be-KHabar guzar ja zauq-e-nazar ki had se

jalwon mein us ke ghir kar jalwa-taraaz ho ja

ai banda-e-tariqat aadab-e-zindagi sun

mahw-e-sujud ho kar jaan-e-namaz ho ja

KHirqa sharab se tar dastar mai se rangin

ai shaiKH-e-pak-daman yun pak-baz ho ja

tu raazdan hai dil ka dil raaz-dar-e-ulfat

ya sarfaraaz kar de ya sarfaraaz ho ja

tu raunaq-e-haram hai ya but-kada ki zinat

KHud imtiyaz ban kar ek imtiyaz ho ja

jaana hai jab muqarrar dar-e-fana se 'afqar'

rah-e-wafa mein miT kar KHak-e-hijaz ho ja