agar dard-e-mohabbat se na insan aashna hota

agar dard-e-mohabbat se na insāñ āshnā hotā

na kuchh marne kā ġham hotā na jiine kā mazā hotā

bahār-e-gul meñ dīvānoñ kā sahrā meñ parā hotā

jidhar uThtī nazar kosoñ talak jañgal harā hotā

mai-e-gul-rañg luTtī yuuñ dar-e-mai-ḳhāna vā hotā

na piine kī kamī hotī na saaqī se gilā hotā

hazāroñ jaan dete haiñ butoñ kī bevafā.ī par

agar un meñ se koī bā-vafā hotā to kyā hotā

rulāyā ahl-e-mahfil ko nigāh-e-yās ne merī

qayāmat thī jo ik qatra in āñkhoñ se judā hotā

ḳhudā ko bhuul kar insān ke dil kā ye aalam hai

ye ā.īna agar sūrat-numā hotā to kyā hotā

agar dam bhar bhī miT jaatī ḳhalish ḳhār-e-tamannā kī

dil-e-hasrat-talab ko apnī hastī se gilā hotā

agar dard-e-mohabbat se na insan aashna hota

na kuchh marne ka gham hota na jine ka maza hota

bahaar-e-gul mein diwanon ka sahra mein para hota

jidhar uThti nazar koson talak jangal hara hota

mai-e-gul-rang luTti yun dar-e-mai-KHana wa hota

na pine ki kami hoti na saqi se gila hota

hazaron jaan dete hain buton ki bewafai par

agar un mein se koi ba-wafa hota to kya hota

rulaya ahl-e-mahfil ko nigah-e-yas ne meri

qayamat thi jo ek qatra in aankhon se juda hota

KHuda ko bhul kar insan ke dil ka ye aalam hai

ye aaina agar surat-numa hota to kya hota

agar dam bhar bhi miT jati KHalish KHar-e-tamanna ki

dil-e-hasrat-talab ko apni hasti se gila hota