ada hua na qarz aur wajud KHatm ho gaya

adā huā na qarz aur vajūd ḳhatm ho gayā

maiñ zindagī kā dete dete suud ḳhatm ho gayā

na jaane kaun sī adā burī lagī thī ruuh ko

badan kā phir tamām khel-kūd ḳhatm ho gayā

muāhade zamīr se to kar liye ga.e magar

masarratoñ kā daura-e-vafūd ḳhatm ho gayā

badan kī āstīn meñ ye ruuh saañp ban ga.ī

vajūd kā yaqīñ huā vajūd ḳhatm ho gayā

bas ik nigāh Daal kar maiñ chhup gayā ḳhalāoñ meñ

phir is ke ba.ad barf kā jumūd ḳhatm ho gayā

majāz kā sunahrā husn chhā gayā nigāh par

khulī jo aañkh jalva-e-shuhūd ḳhatm ho gayā

ada hua na qarz aur wajud KHatm ho gaya

main zindagi ka dete dete sud KHatm ho gaya

na jaane kaun si ada buri lagi thi ruh ko

badan ka phir tamam khel-kud KHatm ho gaya

muahade zamir se to kar liye gae magar

masarraton ka daura-e-wafud KHatm ho gaya

badan ki aastin mein ye ruh sanp ban gai

wajud ka yaqin hua wajud KHatm ho gaya

bas ek nigah Dal kar main chhup gaya KHalaon mein

phir is ke baad barf ka jumud KHatm ho gaya

majaz ka sunahra husn chha gaya nigah par

khuli jo aankh jalwa-e-shuhud KHatm ho gaya