ab ye aalam hai ki gham ki bhi KHabar hoti nahin
ab ye aalam hai ki ġham kī bhī ḳhabar hotī nahīñ
ashk bah jaate haiñ lekin aañkh tar hotī nahīñ
phir koī kam-baḳht kashtī nazr-e-tūfāñ ho ga.ī
varna sāhil par udāsī is qadar hotī nahīñ
terā andāz-e-taġhāful hai junūñ meñ aaj kal
chaak kar letā huuñ dāman aur ḳhabar hotī nahīñ
haa.e kis aalam meñ chhoḌā hai tumhāre ġham ne saath
jab qazā bhī zindagī kī chāra-gar hotī nahīñ
rañg-e-mahfil chāhtā hai ik mukammal inqalāb
chand sham.oñ ke bhaḌakne se sahar hotī nahīñ
iztirāb-e-dil se 'qābil' vo nigāh-e-be-niyāz
be-ḳhabar ma.alūm hotī hai magar hotī nahīñ
ab ye aalam hai ki gham ki bhi KHabar hoti nahin
ashk bah jate hain lekin aankh tar hoti nahin
phir koi kam-baKHt kashti nazr-e-tufan ho gai
warna sahil par udasi is qadar hoti nahin
tera andaz-e-taghaful hai junun mein aaj kal
chaak kar leta hun daman aur KHabar hoti nahin
hae kis aalam mein chhoDa hai tumhaare gham ne sath
jab qaza bhi zindagi ki chaara-gar hoti nahin
rang-e-mahfil chahta hai ek mukammal inqalab
chand shamon ke bhaDakne se sahar hoti nahin
iztirab-e-dil se 'qabil' wo nigah-e-be-niyaz
be-KHabar malum hoti hai magar hoti nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
