ab na kije KHwahish-e-barg-o-samar ki justuju

ab na kiije ḳhvāhish-e-barg-o-samar kī justujū

chhoḌiye kashtī banāne ke hunar kī justujū

umr-e-rafta jā kisī dīvār ke saa.e meñ baiTh

be-sabab kī ḳhvāhisheñ haiñ aur ghar kī justujū

be-gharī ke daur-e-pur-āshob meñ bhī jaane kyoñ

hai sabhī ke dil meñ bas dīvār-o-dar kī justujū

qurbatoñ ke saath jiine kā hunar aaya na phir

ab kahāñ mujh ko kisī bhī ham-safar kī justujū

ek lamhe ko bhī hāsil hai sukūn-e-dil kahāñ

phir bhī dil ko hai mire shāḳh-e-shajar kī justujū

ab shikasta ḳhvāb palkoñ par nahīñ aate mirī

mujh ko bhī 'rizvāñ' nahīñ ab chashm-e-tar kī justujū

ab na kije KHwahish-e-barg-o-samar ki justuju

chhoDiye kashti banane ke hunar ki justuju

umr-e-rafta ja kisi diwar ke sae mein baiTh

be-sabab ki KHwahishen hain aur ghar ki justuju

be-ghari ke daur-e-pur-ashob mein bhi jaane kyon

hai sabhi ke dil mein bas diwar-o-dar ki justuju

qurbaton ke sath jine ka hunar aaya na phir

ab kahan mujh ko kisi bhi ham-safar ki justuju

ek lamhe ko bhi hasil hai sukun-e-dil kahan

phir bhi dil ko hai mere shaKH-e-shajar ki justuju

ab shikasta KHwab palkon par nahin aate meri

mujh ko bhi 'rizwan' nahin ab chashm-e-tar ki justuju