ab manzil-e-sada se safar kar rahe hain hum

ab manzil-e-sadā se safar kar rahe haiñ ham

ya.anī dil-e-sukūt meñ ghar kar rahe haiñ ham

khoyā hai kuchh zarūr jo us kī talāsh meñ

har chiiz ko idhar se udhar kar rahe haiñ ham

goyā zamīn kam thī tag-o-tāz ke liye

paimā.ish-e-nujūm-o-qamar kar rahe haiñ ham

kaafī na thā jamāl-e-ruḳh-e-sāda-e-bahār

zebā.ish-e-giyāh-o-shajar kar rahe haiñ ham

ab manzil-e-sada se safar kar rahe hain hum

yani dil-e-sukut mein ghar kar rahe hain hum

khoya hai kuchh zarur jo us ki talash mein

har chiz ko idhar se udhar kar rahe hain hum

goya zamin kam thi tag-o-taz ke liye

paimaish-e-nujum-o-qamar kar rahe hain hum

kafi na tha jamal-e-ruKH-e-sada-e-bahaar

zebaish-e-giyah-o-shajar kar rahe hain hum