ishq ki qaid se aazad raha
'ishq kī qaid se āzād rahā
ho ke ābād bhī barbād rahā
sirf marne ke liye jiinā thā
ye sabaq tujh ko kahāñ yaad rahā
'ishq kā naam faqat baaqī hai
kaun ab duniyā meñ farhād rahā
al-ġharaz 'umr merī biit ga.ī
kabhī ġhamgīn kabhī shaad rahā
kaisī ummīd lagā.ūñ gul se
bāġhbāñ ban ke jo sayyād rahā
jis ne saa.e ko sadā 'aam kiyā
muddatoñ vo shajar ābād rahā
ek mohsin ko bhulāyā 'maqsūd'
ek zālim hī mujhe yaad rahā
'ishq ki qaid se aazad raha
ho ke aabaad bhi barbaad raha
sirf marne ke liye jina tha
ye sabaq tujh ko kahan yaad raha
'ishq ka nam faqat baqi hai
kaun ab duniya mein farhad raha
al-gharaz 'umr meri bit gai
kabhi ghamgin kabhi shad raha
kaisi ummid lagaun gul se
baghban ban ke jo sayyaad raha
jis ne sae ko sada 'am kiya
muddaton wo shajar aabaad raha
ek mohsin ko bhulaya 'maqsud'
ek zalim hi mujhe yaad raha
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
