zindagi bhar ke liye sath tumhaara hota

zindagī bhar ke liye saath tumhārā hotā

ham ne chāhā thā ki ik tū hī hamārā hotā

tere hāthoñ meñ agar haath hamārā hotā

phir ḳhasāre pe bhale ham ko ḳhasāra hotā

chhoḌ kar ḳhud ko tire paas chalā aatā maiñ

tū ne ik baar agar dil se pukārā hotā

tīrgī tere shabistāñ kī miTā dete ham

haath meñ koī diyā koī sitārā hotā

do qadam saath agar chalte zamāne se judā

mujh pe ehsān mirī jaan tumhārā hotā

saarī duniyā ko kahīñ taaq pe ham rakh dete

terī jānib se agar koī ishāra hotā

lab-o-ruḳhsār mire haath se sajte tere

apne hāthoñ se tirā chehra sañvārā hotā

ham ne rokā bhī nahīñ is liye us ko 'faisal'

vo to apnā bhī na thā kaise hamārā hotā

zindagi bhar ke liye sath tumhaara hota

hum ne chaha tha ki ek tu hi hamara hota

tere hathon mein agar hath hamara hota

phir KHasare pe bhale hum ko KHasara hota

chhoD kar KHud ko tere pas chala aata main

tu ne ek bar agar dil se pukara hota

tirgi tere shabistan ki miTa dete hum

hath mein koi diya koi sitara hota

do qadam sath agar chalte zamane se juda

mujh pe ehsan meri jaan tumhaara hota

sari duniya ko kahin taq pe hum rakh dete

teri jaanib se agar koi ishaara hota

lab-o-ruKHsar mere hath se sajte tere

apne hathon se tera chehra sanwara hota

hum ne roka bhi nahin is liye us ko 'faisal'

wo to apna bhi na tha kaise hamara hota