ye jo ek dasht sa aankhon mein basa rakkha hai

ye jo ik dasht sā āñkhoñ meñ basā rakkhā hai

ham ne duniyā se use ḳhuub chhupā rakkhā hai

terī yādoñ kī mahak kam nahīñ hone paatī

dil ke goshe meñ ik ik zaḳhm sajā rakkhā hai

ham ne har moḌ pe tauqīr-e-junūñ kī ḳhātir

apnī hastī ko tamāshā.ī banā rakkhā hai

koī dastak koī aahaT na koī harf-e-naved

kis bharose pe ye darvāza khulā rakkhā hai

jis kī ḳhushbū se mahakte haiñ mire shām-o-sahar

maiñ ne us yaad ko sajdoñ meñ basā rakkhā hai

dekhnā vo bhī kisī roz pukāregā 'qais'

ḳhūn-e-dil de ke jise ham ne harā rakkhā hai

ye jo ek dasht sa aankhon mein basa rakkha hai

hum ne duniya se use KHub chhupa rakkha hai

teri yaadon ki mahak kam nahin hone pati

dil ke goshe mein ek ek zaKHm saja rakkha hai

hum ne har moD pe tauqir-e-junun ki KHatir

apni hasti ko tamashai bana rakkha hai

koi dastak koi aahaT na koi harf-e-nawed

kis bharose pe ye darwaza khula rakkha hai

jis ki KHushbu se mahakte hain mere sham-o-sahar

main ne us yaad ko sajdon mein basa rakkha hai

dekhna wo bhi kisi roz pukarega 'qais'

KHun-e-dil de ke jise hum ne hara rakkha hai