tamanna roz jine ke nae paigham lati hai
tamannā roz jiine ke na.e paiġhām laatī hai
hazāroñ baar tan meñ jaan aatī aur jaatī hai
tumheñ fursat nahīñ tum dekh bhī sakte nahīñ mujh ko
jo tum duniyā se chhuTte ho to tum ko niiñd aatī hai
maiñ aksar aisī kashtī ko yahāñ hasrat se taktā huuñ
ki jo maujoñ meñ bahtī hai bhañvar meñ Duub jaatī hai
udhar iz.hār kī jur.at na honā ik musībat hai
idhar dil kī ḳhalish tum sāmne ho jaan khātī hai
sahar hotī hai aur īmān merā taaza hotā hai
sabā us kī sanā ke dil-nashīñ naġhme sunātī hai
'suhail' aisī balā kī sādgī hai husn vāloñ meñ
mohabbat karne vāloñ ko jo dīvāna banātī hai
tamanna roz jine ke nae paigham lati hai
hazaron bar tan mein jaan aati aur jati hai
tumhein fursat nahin tum dekh bhi sakte nahin mujh ko
jo tum duniya se chhuTte ho to tum ko nind aati hai
main aksar aisi kashti ko yahan hasrat se takta hun
ki jo maujon mein bahti hai bhanwar mein Dub jati hai
udhar izhaar ki jurat na hona ek musibat hai
idhar dil ki KHalish tum samne ho jaan khati hai
sahar hoti hai aur iman mera taza hota hai
saba us ki sana ke dil-nashin naghme sunati hai
'suhail' aisi bala ki sadgi hai husn walon mein
mohabbat karne walon ko jo diwana banati hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
