chand ko uski haweli mein utara hoga

chāñd ko us kī havelī meñ utārā hogā

us ko jis roz farishtoñ ne sañvārā hogā

phuul khilne lage lene lagī rut añgḌā.ī

ye yaqīnan tire aane kā ishāra hogā

vo jo kuchh der mere sāmne aa baiTheñge

kitnā dil-kash vo mohabbat kā nazāra hogā

dekh kar ham ko churā lete haiñ jab vo nazreñ

kaise is shahr meñ phir apnā guzārā hogā

justujū us kī na chhoḌeñge kabhī ham ai dil

ik na ik roz to vo shaḳhs hamārā hogā

koī jur.at nahīñ kartā yahāñ sach bolne kī

ham ne sach bolā to ye jurm hamārā hogā

'umr bhar kaam jo letā rahā ḳhuddārī se

kab kisī kā use ehsān gavārā hogā

der lagtī nahīñ qismat ko badalte 'momin'

dekhnā apnā bulandī pe sitāra hogā

chand ko us ki haweli mein utara hoga

us ko jis roz farishton ne sanwara hoga

phul khilne lage lene lagi rut angDai

ye yaqinan tere aane ka ishaara hoga

wo jo kuchh der mere samne aa baiThenge

kitna dil-kash wo mohabbat ka nazara hoga

dekh kar hum ko chura lete hain jab wo nazren

kaise is shahr mein phir apna guzara hoga

justuju us ki na chhoDenge kabhi hum ai dil

ek na ek roz to wo shaKHs hamara hoga

koi jurat nahin karta yahan sach bolne ki

hum ne sach bola to ye jurm hamara hoga

'umr bhar kaam jo leta raha KHuddari se

kab kisi ka use ehsan gawara hoga

der lagti nahin qismat ko badalte 'momin'

dekhna apna bulandi pe sitara hoga