aafiyat ki baat sunti aur ishaara dekhti

'āfiyat kī baat suntī aur ishāra dekhtī

pher meñ aane se pahle maiñ kināra dekhtī

dhuup ko zanjīr pahnāne kā lamha aa gayā

pahle khiḌkī kholtī phir abr-pāra dekhtī

ik daf'a dekhe the maiñ ne aarzū ke kāġhzāt

vaqt mil jaatā to maiñ un ko dubāra dekhtī

ye mohabbat aur kyā hai pyaas kī chhalnī tamām

fā.ede se dil alag kartī ḳhasāra dekhtī

siskiyāñ bhartā hai palkoñ ke kināroñ par namak

maiñ abad tak aa ga.ī huuñ ye sitāra dekhtī

pāniyoñ ke us taraf ke sabz-pan kī ḳhair ho

naav kī ḳhvāhish meñ kyā peḌoñ pe aarā dekhtī

'afiyat ki baat sunti aur ishaara dekhti

pher mein aane se pahle main kinara dekhti

dhup ko zanjir pahnane ka lamha aa gaya

pahle khiDki kholti phir abr-para dekhti

ek daf'a dekhe the main ne aarzu ke kaghzat

waqt mil jata to main un ko dubara dekhti

ye mohabbat aur kya hai pyas ki chhalni tamam

faede se dil alag karti KHasara dekhti

siskiyan bharta hai palkon ke kinaron par namak

main abad tak aa gai hun ye sitara dekhti

paniyon ke us taraf ke sabz-pan ki KHair ho

naw ki KHwahish mein kya peDon pe aara dekhti