naya shaKHs roya purana bhi roya

nayā shaḳhs royā purānā bhī royā

lagā tiir mujh ko nishāna bhī royā

thakā jab qalam mere ġham likhte likhte

to kāġhaz bhī royā fasāna bhī royā

ki jab tum ne bhejā hameñ sog-nāma

to phir ham bhī ro.e zamāna bhī royā

tirī yaad meñ jab zarā ham bhī ro.e

to dekhā ki dil kā ḳhazāna bhī royā

thā hañstā gharānā the sab ek 'irdum'

magar jab vo TuuTā Thikāna bhī royā

naya shaKHs roya purana bhi roya

laga tir mujh ko nishana bhi roya

thaka jab qalam mere gham likhte likhte

to kaghaz bhi roya fasana bhi roya

ki jab tum ne bheja hamein sog-nama

to phir hum bhi roe zamana bhi roya

teri yaad mein jab zara hum bhi roe

to dekha ki dil ka KHazana bhi roya

tha hansta gharana the sab ek 'irdum'

magar jab wo TuTa Thikana bhi roya