mujhko mujhse juda kiya tu ne
mujh ko mujh se judā kiyā tū ne
merā ban kar ye kyā kiyā tū ne
mere aañsū bhī mujh se chhīn liye
is qadar ġham 'atā kiyā tū ne
ab talab kī talab nahīñ mujh ko
naqsh-e-fānī fanā kiyā tū ne
chand lamhoñ meñ raat ḳhatm huī
sub.h-e-ḳhandāñ ye kyā kiyā tū ne
terī chāhat meñ duur jā niklā
mā-sivā māvarā kiyā tū ne
aaj 'vāsif' ne keh diyā us ko
ba-ḳhudā bā-ḳhudā kiyā tū ne
mujh ko mujh se juda kiya tu ne
mera ban kar ye kya kiya tu ne
mere aansu bhi mujh se chhin liye
is qadar gham 'ata kiya tu ne
ab talab ki talab nahin mujh ko
naqsh-e-fani fana kiya tu ne
chand lamhon mein raat KHatm hui
subh-e-KHandan ye kya kiya tu ne
teri chahat mein dur ja nikla
ma-siwa mawara kiya tu ne
aaj 'wasif' ne keh diya us ko
ba-KHuda ba-KHuda kiya tu ne
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
