ho ke ulfat mein giraftar bahut rote hain
ho ke ulfat meñ giraftār bahut rote haiñ
zindagī ke ye taraf-dār bahut rote haiñ
dāstāñ dard kī hotī hai bayāñ āñkhoñ se
ḳhvāb ho jaate haiñ dushvār bahut rote haiñ
jiit jaate haiñ mohabbat se mohabbat vaale
aur nafrat ke ḳharīdār bahut rote haiñ
apne hālāt sunātā huuñ ġhazal meñ jab bhī
log sun kar mire ash'ār bahut rote haiñ
apne jazbāt chhupā kar baḌī āsānī se
ḳhud ko kar lete haiñ mismār bahut rote haiñ
'umr bhar dukh diye logoñ ne magar mayyit par
kaise bante haiñ adākār bahut rote haiñ
ho ke ulfat mein giraftar bahut rote hain
zindagi ke ye taraf-dar bahut rote hain
dastan dard ki hoti hai bayan aankhon se
KHwab ho jate hain dushwar bahut rote hain
jit jate hain mohabbat se mohabbat wale
aur nafrat ke KHaridar bahut rote hain
apne haalat sunata hun ghazal mein jab bhi
log sun kar mere ash'ar bahut rote hain
apne jazbaat chhupa kar baDi aasani se
KHud ko kar lete hain mismar bahut rote hain
'umr bhar dukh diye logon ne magar mayyit par
kaise bante hain adakar bahut rote hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
